محمد حاكم الطائي
عيد الحب بدونج والله مايسوه
يلتروح الفراشة لمستج فدوة…
يل عفتي حناني
عيد اجفاج اجاني
وبدونج كمت اشمن بالورد قسوة
….
عيد الحب بدونج حسرة مال ايتام
من يمرله ليل ومايعرف اينام
بدون امه يتكلب
عنده الموت اوجب
هيج انه بفركتج عايش البلوه
….
كمت وياج اكاسر ضحكة بالضحكة
يلمعوده الجفوف وياج عالصفكه
يأثر بوسه بشفافي
عطرج بيه غافي
صرت وياج احس بضوجتي حلوة
…..
وعلي تحرم اكبالج طبكت الجفنين
عقلي من يفكر بيج يسرح وين
مشت شفتي ع ايدج
مو عيب اذا اريدج
ومن اهلج واخوتج ماخذج كوة
