هالة التميمي
ادري بيك تريد تاخذني اعله فوك ..
وكلشي منك بيه هم يرسملي راي …..
يالجفيت ولايتك كلها اعله كلبي ..
وعيدتني بمستحاي ..
يالردتني بلا مواعيد اعله بابي ..
ويالعفتني مراد غيمة ورافكتهه بكل غيابي ..
انه متعوده اضييع كل حنانك ..
حتى احس بروحي ما اريدك غطه ..
ياوسيلة غايتي ال ماعلمتني شلون احبك ..
وانت تتمشى اعله كلبي بكل سوالف ليلتك ..
بس ما اعيشك ..
يابعيد ودوم شابعني هوى ..
وانه ملتهيه اويه غيرك بالسؤال ..
انت يالكلبك جبير بكبر حركة كل تعال ..
طيبة بنية وخذتني ..
وفزت بروحي سوالف ليل عطشانه ملح ..
اوف ياعشرة مكانك ..
من زمان دروبي تهواها الفلح ..
خايفه جفوفي غريبة وحيل منتظره وداعك ..
من اموت بلايه عيشه وياك ..
راح ادور عن عذر مابي غربتي ..
من اصدك كافي توكفلي بعتبتي ..
كافي شاريني بحسرتي ..
راح اشيلنك نوارس وامشي ماي
