سلام القريشي
لاتجيني ودمعتك عالخد تسيل
ولاتكلي ارجوك نرجع ثاني
انته بلشت الغدر ونته البديت
وبعد مثلك ماتلفي احضاني
انه مو يوسف تريد ارجع عليك
ونسه بيدك شككت قمصاني
روحي شمعة وضوت الدربك سنين
تالي جفك بالغدر طفاني
اني ظميتك سند لومرني ظيج
ونته بيدك كطعت ذرعاني
اني نيشان اعله جفك مايظيع
لوتكص جفك يظل نيشاني
اني مومثلك سعف ويهزني ريح
انه مبنيه ابصل حيطاني
اني عمري اوياك ضيعته ابلاش
وجنت كل ظني كبل تهواني
انه عفتك لاتظن اوياك اعود
انه راح انساك ونته انساني
انه دك بابي الفرح لمن مشيت
لاتجيني اترد عليه احزاني
