ما ترهم واكولن راهم وياي

راهي .. طويل اكولن ترهم تلوك

رغم ما جان فقري يضحكك هواي

ضحكت انته علي جي ثوبي مفتوك

كلساع بعذر تحجيلي وتروح

واخر عذر جبته تكلي يا شوك

لان بابة عرب ما ترهم وياي ؟؟؟

مو بابة عرب … اصلي من الشروك !!!

انه بروحي بدوي وما اقبل بشين

ما فرط بثاري واخذ حكوك

والي ثار ويجفك طعنة ووداع

بس العشرة عن الثار الي تعوك

بايكلك غزل كل البساتين

حرام … وبذنك انه محلل البوك

ولان طبعي نخل فييت الك ليل

تجيمني سعف … بس تجني العثوك

ما غزرت بذنك كلمة اهواك

ماصخ .. لو السانك ينكر الضوك

تعسر حالي كلش يوم المشيت

حال ام البجر لو جاهة الطلوك !!!

يلمديت عشكك بيه للساس

شي شلعك بعد وانته اصل العروك

عشت بروحي عانس مارهه الشيب

على الشيب شعرهه شيهم الطوك

وحالي بغيبتك ما ترفة شلون

جكارة بايد مدمن دمه محروك!!