ايمان الكوفي
شكول البيه ما ينكال
انكطع حبل الظهر
وتعذر ابن الخال
وابن العم وعدني
يجيبلي حمال
وحبيبي ايدير وجهه
عله الغريب
ينشده هذا فلان؟؟
اذكره بغير قالب جان
حكه لو نزل شوكي
الملح بذات
بس ماعاتبيته
انكلب تل ارمال
وحكي من اعتزل عشكي
وادور للكلب دفان
وما سولف بعد بالغزل والوجدان
يمن نزف الخواطر بيك
صرت مشهور عد العجم والعربان
وتاليه نكرت يهدان
تجازيني بجفن همال
يالردتك الصومي هلال
وتدري الجوع كافر
والعطش جتال
وتدري بليلي عاكر
مايجيب انهار
وانته صبي صبيهه
يالغرامك حال
امد جفي بوفه
وتحط بديه احجار
واتاتيلك واكلك
(تاتي تواتي
يرخص عمري وحياتي
العب طوبه بدمعاتي
اتسله بعزف وناتي)
وتاتيلك واكلك
دوس لا تحتار
اصيرلك جسر
لو قارب انته اختار
وتغل جرحي وادور لليلوم اعذار
هذه العال
ذاك العال
حبيبي ما يعيل
الناس منه اتغار
وموش اشكال
موش اشكال
موش اشكاااااااااال
لمن شيبيت الراس والدلال
