مزهر الكعبي
الصفنه بغيبتك صارت بكد الليل
وبين اشتاكلك بين ابتلش بيهه
شوصيت النهار يروح من تروح
اذا تعرف شمس بس يوم وديهه
ماشايف شمس بعدك وعشت ايام
صلاة الصبح بعدك كمت اصليهه
ماينزل دمع من عيني ينزل نوح
يذب فص عيني ثكل الدمعه الأبجيهه
شنطيت الشماته جناح من مشيت
غير من الفرح طارت برجليهه
هم زين الله صاحو بخت عنده عيون
جي ماشوف بيهه عيوني ناسيهه
هلكت ما اصد عالباب بلكي تعود
صرت طلاكتين اتحولت بيهه
يالماخذ وياك العافيه من مشيت
موضعفان بعدك حالتي احجيهه
اتكشخ كمت بهدوم مال اطفال
شعندك للجهال اهدوم وديهه
اكلب بالهوه واتنفس الالبوم
واصد عالصوره بلكي ايصير اطب بيهه
واغصن بالهوه الما مر عليك بيوم
النسمه التمر منك جنت اشم بيهه
ما فزن كبل لو طوب يمي يثور
هسه ابره اعله وصله اطيح افز بيهه
