زامل سعيد فتاح
تذكرني چفافيك…واحن لايام عشرتنه
واگوم اتعثر بجدمي
وألمِّلم كل دساكرنه
اهنا چنه وگعدنه..اهنا
تسامرنه وتعاتبنه
اهنا يم شاطيء الگصبات
تذكر من تعاهدنه
وبنينه عشوشنه ويه الطير
وعله البير بچفافي اخلاص طرزنه
يسمر والبيادر هاي
فيهن بيه غطنَّه
وتهلهل بنات اسهيل..اجتنه وعجنت الحنَّه
وآنه اليوم اجيت وحيد
وإتذكرت موگفنه
وتلگتني الطيور تصيح خلك وين ناشدنه
گلتلهن سگم ورفيف چلاي سيلنه
گالتلي يزامل هاي واحة وفه واحتنه
وكل خل الوفه الخلَّه يهننَّه ويزفنَّه
گلتلهن وَفي لاچن
وفاي بتبِن باعنَّه
