عـــادل سليــــم
الي دمعة بغيابك حركت الخدين
بلبرودة لبكلبك ردلي طفيهه
عشكتك عشك واحد ما يعرف يخون
غيرك من تشوفه عيوني اغطيهه
امكيف بلصور يوميه اطك وياك
عكس هسه الصور يوميه اشك بيهه
كبل ما عندي شامت خنت صارو خير
مجبور لشماته كمت اماشيهه
ادعي وما يردك يدري بيك تخون
ربك غايت النملة يعرف بيهه
يارازق النملة ارزقني حب ميخون
انه مخلص اليمتى شلون اتانيهه
ما خليهه ترمش عيني وانته وياي
وهسه من البجي خربت معانيهه
ساهرلك فجر ما ضكت طعم الطيف
الكمره اتنام كاعد جنت اغطيهه
ضحكتي حجايت اخرس كاعد بديوان
اختنك بحجايه حك ماكدر يحجيهه
اختنك خنكت هذاك البسجن ويشوف
مفاتيح السجن حارس يفر بيهه
رابي عله الهجر عمرك اجم افراك
وياك اذكر اخر كعده ناسيهه
