حـــازم جابــــر
لملمت جرحي قصيدة
ونزف اول جرح باسمك
وكربت شمسي البعيده
وشفت وجه الشمس رسمك
يامر ما اكدر اوصل
تعثر الخطوات بيه وما الزمك
ردت اوصلك بجيت
بكد حنين الروح لو رادت تشمك
فاركين بليله ظلمة
وحرت الم روحي المك
توسلت كل الشوارع بلكي اشوف
اثار جدمك
وعبرت شفت النوارس تسبح
بنهار دمك
يالخذوك بغفلة مني
بيا درابين العمر يردون اضمك
رايد تمر بيه سكتة والكه روحي
اردود يمك
يابخت كل الضماير وينك انت بيا شراع
اني من دونك عميت وكمت
اشوفن كلشي ضاع
الربيع الجان يضحك
سافرت ضحكاتنه منه بلا وداع
والوجوه تمر غريبة وكل
وجه لابس قناع
وينك انت بيا شراع
دوريت السمة بعيني
وحفرت بيدي شوكي الامنيات
وما لكيتك ياحلم كل السوالف
فتحت بيبان عيني
تشوف دربك ما اجيت
ونزلت دمعات شوكي
وثاري لعيونك بجيت
حلمت بيك انت يمي
والفجر ينده رموشي
وسكتة من حلمك صحيت
دوريت ومالكيت ثنين ادية
ثاري ساعة شبكتك كطعت
ادية ومادريت
الوكت يبوك عمري
وينزع من العين عشرتنه ويكلي
شبيك انسى .. ومانسيت
ارد اسمعك ياحزن صوت الجروح
ارد اسمعك اني للموت اشتهيت
ارد اسمعك اني للموت اعتنيت
