منذر زكـــــي
اختل اختل…
ابسد النده…
ودري روحي ملوية حزن
بيهه المكابر حلم…
ياخذني…
طرف الشوگ
ياهي…..
ويردني عله ماي المستحه
وانه…
بظنوني…
عرگ صبير..
ناحر ماي بشفافه
اويتل بيه …
يتل..يتل..
حلم …
طافي عله فجر السمه..
ومدوهن بندهت صحو
حارگ فراشي …
وتسحب
همه ..أگلله دفو..
وآنه … موش آنه
هذاك الشوف بسنينه يلم
تاكل بخوفه الملامه
ويغفه بطيوفه النجم
تايه …
وتايهه الوادم خضر
صفنه … وحسباتك تمر..
چنهه
گبة خيل مفزوعة صبح
دايره … أبعاشور يدبي
وكل مسافة تنث جرح
والكل زلم
أختل..أختل
ابسد النده..
وها ..كثر …
بـگزازهه اسوالف تدور
اگبال فازوع الشمس
أفرا ….. ر
اوبعثيه تابت من أمس
وابليس يتوضه …
وذاك حبل الموت
ياكل بعضده النمل
وأنته …
وآنه وي داير هواك اتْلفت ….
هايم …
وارد أصيحن
هاجس الظلمة من ابعيد
يم ركن الشواطي
التاه بيهه الماي
مد حيله بأذن ناعور
يرسم ناي عازف ريح
چفه ايفور
بلچن ….
وك دخيلك …
وك دخيلك …..
لاتمل
ياكل بعضده النمل
بس لاتمل…وك لاتمل
