نوفل الصافي
اطش اعيوني بدروبك
بلكت تعثر ابهيلة جدم منك
وانشـّـف دمعة البيها ..
خافن سچه مرطوبه تعطلك من تمر بيها !!!
واگول اترد ..ولارديت.
واحني ابروحي للملگه
وألملم حضني للشبگه
واشتل عالجفن بيبان
بلكت باب الي ايخضر
تشوفه وتعتـني اتدگه!!
ولادگيت
واغمض عيني ابحرگه
هلبت طيف مر بيك ويمر بيها يناغيها…
ويشح الطيف ..وخيّـط للعتب قمصان ..
البـّسهن جنح طيفي .. واطيح اعليك
امد شوفي اعله شباچك
الگاك ابضريح الشوگ ..
صاحي ابعين شمعه وصورتي اگبالك
اثاري الليل كله اثنينه
امسيسين ..
واحد ينطر الثاني
امساهر ليله ويتاني
يمر طيفه عله الثاني !
