نشأت الخالدي
طبع بالناس تلعب من يجي العيد وانته العيد هوه اليلعب وياك
وچذب موصاك انته الصاك تربيع لأن لو شاف حسنك يفقد الصاك
من كد ما رقيق وتمرض بساع أذا تشرب عصير تطكك شفاك
الشاعر لو يوصفك يتعب هواي لأن يحتاجلك دستـه دفاتر
ماشفت أبياضك انه من حيث الشمس من شافتك لبست مناظر
أعرفنك ﮔبل لا أعرف العين وأحبك من ﮔبل لا آنه أعرفك
ﮔلت بكلبي أصرفك خاطر تروح زعل كلبي علي چي ﮔلت أصرفك
مريض وما يشافيني دوه الغير وأشفه من المرض لو ضـﮔت سمّك
من ﮔد ما أسولف بيك للناس نشدوني عله اسمي وﮔلت اسمك
اطرد بالغزل يوميه بالليل يرد ويﮔلي تكتبني اريدك
اكره ذول ليبوسون بالأيد وأحب روحي ﮔمت من بست ايدك
