فاضل كريم
وكل ساعة انسحكَـ بجدام تذكارك
عكب ما كفرتني بديني المن جاي
تقرالي وترتل سورة اعذارك
اجه وكت البرد ودفه بيك الغير
وما الحگ بعد واستانس بنارك
يالمثل النخل شامخ شجاك شبيك
خليت الغريب يلوذ بكتارك
مرات النخل بس ينصعد ينباك
وانته بيوم عرسك گلي شخبارك
صدك تمرك خلص لمن اجاك الليل
وصدك سعفك خدر وانطيت جمارك
دليته اعله روحك ماتعب وياك ؟
ما دور عليك وداخ فجارك
تدريني گبل كلي انه اصير اضماد
اذا شريان صوتك ينزف اسرارك
واعرفك فكرت ظنك تلوح الغيم
وشوف الوين وصلت رجة افكارك
ذنبك امنت من شالك الناعور
رد ردود بيك وعالجرف دارك
مادامك اجيت وتنشد اعله الحال
بعيونك تعال وشوف اثارك
