محمد الاعرجي
اخذوها بدمعها واني ماموجود
هيجي بسكتة عني انباكت المغرب
موسهوا ولكن صارت استغلال
لأن لواني يمهه شحده ليكرب
هدت من جفن اشكد مابجيت ادموع
عليهه وعل ليالي وذكريات الحب
واغانيا وصورنه الترسن الالبوم
ياهو الهسه يكدر بيهن يكلب
مارايدهه ترجع المهم ترتاح
بس طمنونه عنهه
وكلشي مااطلب
تره ظل بالي يمهه الليلة وين تبات
بعدهه صغيرة خاف بحضنه تستغرب
اوزفوج بهلاهل ويه طبت الليل
واني كبال عينج شيعوا امالي
ظليتي بنفسي ابد ماضكتج بهليوم
ولهذا السبب ماينحل اشكالي
شكد خدج سحرني وسوه اغراءات
وماجيسهه حلفت جي بعده مومالي
ظنيتج اليه باجر اصيرين
وكلت عود اللي اريده الكاه بلتالي
جنت ماادري انتِ بغيري تقتنعين
لو ادري وعلي جان اخذت لبالي
رايد حصتي منج عيني موتنسين
من محصول حسنج ماخذت حصة
امس وحدنه جنه وكلشي ماسويت
غشيم وماعرفت استثمر الفرصة
هسه اللي خذاج الليلة يطمع بيج
ويجي ايبوسج بدون اي رخصة
شهر يكضي العسل من شفتج اتحدا
اظن ابيوم واحد يمكن ايخلصه
وانه ضميته اليه سنين اجمع بيه
وجنت ماابوس شفتج حتى لاانقصه
امس الحاجة اني لهل عسل والله
صيري ام بيت عاد ومنه ضميلي
لأن طبع لخذج مايقتنع طماع
واخاف يشربه كله ومايبقيلي
هسه شفتي بيج وكلشي بيه اشتاك
بيد الليل منج بوسة وديلي
صبح جرحي بغيابج يلفت الانظار
ومن الام بعدج كومة يشكيلي
جرح جنت اظن مايمتلك اي حساس
شعر وجداني كام بعبرة يحجيلي
تعالي اليوم باجر يمته ماتردين
اني راح اضملج ساعة من ليلي
ولو ماتكفي خايف نبقه معتازين
لذلك وما اريد بسرعة نكضيهه
ولانبدي بعتب ونبذر الكلمات
ولا كل الدموع بساعه نبچيهه
انسوي كلشي بيهه اني وياج
بعدين سوالف عود خليهه
وكت عدنه محدد وشكثر رغبات
هايه ساعة لازم نقتصد بيهه
يلماخذهه مني الليلة مااوصيك
حبيبة كلبي هايه شتطلب انطيهه
لاتجرح كلبهه يوفقك الله ارجوك
بنتك هيه صارت لا تبجيهه
