وزن خدري الجاي
اعداد ـ قاسم شنيشل
خدري الجاي: مشتق من بحر الهزج وهو من الأوزان المنبرية وهو مقلوب البحر الطويل في الشعر العربي حيث أن تفاعيل البحر الطويل في الشعر العربي
(فعولن/مفاعيلن/فعولن/مفاعيلن وتفاعيل )
وتفعيلة وزن خدري الجاي هي ( مفاعيلن/فعولن/مفاعيلن/فعولن ) .
سمي بهذا الاسم نسبة الى الأغنية المعروفة :
خدري الجاي خدري عيوني المن أخدره
راح اليشرب الجاي سكن ديرة البصره
تنويه /
خدري / أي القيام بطهي الشاي
الجاي / الشاي
ديرة / منطقة أو مدينة وهي جمع ديار
البصرة / محافظة في جنوب العراق
يكتب بعدة تراكيب فنية الشائع منها ( الرباعي والأندلسي والمهداد )
نص غنائي للشاعر كاظم السعدي :
أحبك وانته زعلان وأحبك وانته راضي
ولو عشرتك وياي أحد من سيف ماضي
اذا تزعل أراضيك وأذا امتعبك ماضيك
منو الما عنده ماضي
تنويه /
أحد / أبلغ
أغنية للفنان كريم منصور من كلمات الشاعر مكي الربيعي :
تسأليني اعله حالي وانه تعبان حالي
شيوصلني يمكم وانتو اقصور اهلكم
تسد عين الليالي
أغنية أخرى للفنان مؤيد الأصيل( أذا متريدني ) كلمات الشاعر علي الساقي :
أذا متريدني كَول ليش اتظم عليه
تره انته تصير مسؤول اذا شي صار بيه
كَلي بكَلبك شظام … (( مفاعيلن/مفاعيل لا))
لتعيشني باوهام … (( مفاعيلن/مفاعيل ))
كلشي ولا أحس تلعب عليه
اذا متريدني اوياك حاجيني ابصراحه
حته انته هم ترتاح وآنه اشعر براحه
يكفي اتراوغ وياي …. (( مفاعيلن/مفاعيل ))
اصفالك على راي …. (( مفاعيلن/مفاعيل ))
لو نفترك لو نبقه سويه
تنويه /
اتراوغ / تتحايل
وقد جاءت تفاعيل مستهل هذه الأغنية ( الكوبلية الأول والثاني ) على النحو التالي :
مفاعيلن/مفاعيل ….. مفاعيلن/فعولن
وجاء قفل الكوبلية الأول والثاني على وزن النصاري ( مفاعيلن/مفاعيلن/فعولن ) لكونهما من نفس البحر .
