فالح حسون الدراجي

أرقام .. أرقام
أرقام عنده البشر .. وأكياس يم أكياس
حتى الدفن مو دفن .. جم كَبر ما بيه راس
وكَبور ماتنعرف .. تمشي عليها الناس !!
هم أنت شايف كَبر حَدِر الرجل ينداس ؟!
أرقام تالي البشر .. وأجياس يم أجياس
محَد يعَرف الرقم … بس الله والحراس !!
ياضمير العالم اصحه واسمَع أنواع القصص
بالتساوي الظلم حلها .. وانطَه للكل الفرص
بالسجون وبالعذاب .. وبالدفن حدر التراب
شيب وأطفال وشباب .. اتساوو بكل الحصص !!
***** ** *****
وين تروح ياظالم .. من كل هذي المظالم
لاصارت ولادارت ..
ولاسلطة مثلك جارت
ولا جار مثلك حاكم
 وين تروح ياظالم ؟!