علاء عبد

حلاتك من تجي وتندل مجانك وين
القطار يموت من يكعد بغير مجان
الزلمه الايده ترعش كهوه لاتنطيه
كبل لاتصل حلكه يهزلك الفنجان
العجويه والخيمه نولدن محدبات
اخذ اطباعهن خاطر تعيش انسان
الخاطر موقفه جامل بعمره الغيم
يثكل جيبهه ودنك الاغصان
لاياصحبي وكتك اصرفن خيل
بالك تستهين بشر ياهو الجان
لمن تنعصر تترس عيونك ماي
لاتستهزء بحبايه الرمان
كود حجايتك مثل ابنك من الايد
وعبرهه مثل متعبر العميان
لوتوكف عمر يم حلكه ميحاجيك
من تكعد بحلكه يسولف الميزان
ياشجره التي صاحت بضهر الطير
ستاطن وستجن وغازل البستان
بنه عشه بلم وتورط العصفور
خلص عمره سفر ودولبه النهران
لاتسحك احساسك حتى تصعد فوك
يحرك وادمه من يصعد الدخان
علدوس جتافهه حلوك المساحي تعيش
ياذلة حلوك التاكل وتنهان