خالد القاسمي

اني من انباك بيت ..
 اركض وأكتب جديد
خاف شاعر بيته طايح
اني اكله -الله عيد
اكوشاعر عده بيت
 وعمره ما كاتب قصيده
واكو شاعر هو بيت
واكو شاعر شاعر وما عنده بيت
وكو شاعر عده قلعه
. وطاح بس يمه انحجيت
مو غرور– براسي فقره
… وجنت اعشيه بخيالي
ومن طفل جاع بقصيده
. كمت غطيته بجهالي
وماصرت مشهور جدا
 حتى ماأخسر صديق
المهم تعرفني النوارس
من اسافر دوم تكطعلي الطريق
بكلبي بعض الناس تستاهل تعيش
وحتى من انجرح ماكولن افه
عندي هاي الناس تشبه نعمة الله
والخبز وجهين ماعنده كفه
وهي شعره — هي شعره
بين الله ومنصبك والباقي شهره
هذا حالي وباجر التاريخ يكتب
.. الدولة دوخه الفقير
والغني معروف سعره
وهيه شمره —
الليل متأثر بكمره
الناي من يبجي اعله سمره
والينام بصف رصيف هذا تلكه براسه فقره
وكلمن احلامه عله كبره
السافر وعين امه تجري
لوعطش بالماي يقره
امي حتى العوز هم يكلله يمه
رادت تحرك ضميره
تكله يبني العوز انصحك
 بالك تفرع ضفيره
اكصد العباس يمه
 هناك تشبع يمه غيره
واني انصح كل عراقي لو نوه يشوف العراق
خل يحط ايده عله كلبه
حتى مايشعر بغربه
واني انصح كل مسافر خلي ياخذ صورة امه
منين يلكه هناك تربه؟