حسين الجابري

سمار وجوهم حوبة خبز بيه
وماعدهم گبل كل نيه سمره
أخذ حوبه التبين بالنوه ايعيل
أهل خبزة حلال وناس فقره
الجفن يدمي ملحها ومايهه الحار
الهلي وناسي من احن وذكر العشره
وحگ سكرة ضحكتي وطيف ألا عزاز
العلي كل ساع الي ويالموت سكره
أموت من انغلب والزلمه اذا حوك
اذا فاتت عتبته يموت حسره
طبع صخره من اطيح اخسف كفا الماي
مامشي اعله راي وهوى المجره
وينورس هاي ناسك موش اهل طيب
الهيبه البالنسر موش اله الشره
البدو ايطيب الهه خاطر لو عوى الذيب
ويحيط اخيامهه مهاوش الصحره
وسرك من يطش لاتذنب البير
ذم صدرك رخي وماكتم سره
وماگلك چريم اله الگه ملگاك
حلو ابگد ماگهوتك كون مره
ولتگلي طويل اطيني الافعال
خيطك ماله راي اخلاف الابره
ولاتتعب علي مابيهه تعلوم
طبع الحر نزر والزلمه شمره
اكو بيهم رچيچ وباهض اعداه
البدي دعوة نبي اشتعني الكثره
وليغرك لبسهم والتصاوير
ماياخذ ابنادم غير گدره
اشاور خنجري من ابحر بالوجوه
وحدر كل ضحكه اجد لنار حفره
ضمه وراحلتي عجفه وحملي والريح
وانته ابحالي تدري وربك ادره
اليبات ابلايه عش ومفحطه الليل
من ايگصر بالمسابگ كون اعذره
اكو الفوگه النسر والحدره صياد
وكو الفوگه العثگ والشاطي حدره
وانه احساسي انخلق من ومن طين
ترف واهوى الحياة وروحي خضره
الهوه اينسم برد والغيم ايدث ماي
والعش بي دفو اشتكره الشجره
عساها ابخت كلمن صاب الحسين
ماچانت شمسنه اتغيب حمره