معتز المالكي

بيدك ونجفت بالك تلوم الروح
المايعرف قدرها اتفارﮔه النعمه
اليرسم بالدمع صورة حزن للناس
يرد نفسه ابفرحم ياخذ البسمه
الك كبرت خلكي وانا مامجبور
سكتي وياك جانت قمت الحكمه
لون اعلل ورق ماكثر الرسام
بس عنده لغز بالرايد يرسمه
مر طعم الصبر عندي شحلاته ايصير
طعم طيف المحب بعيون ولفه اعمه
وماكتلك عرفتك وانه ماقاريك
الي نظره ابخيالك وعرفت حجمه
امس سولفلي عنك نهر دجله هواي
حچي الروج تدري العاشگ ايفهمه
مو كل سوالف تسمع الهن صوت
جرحي ابلا اذن بس يسمع اللچمه
ترش ظلك عطر شتريده يمشي وياك
بس تنگل اجدامك غيرك ايشمه
تره الماله جنح مثل الخرز عالكاع
جف الحضنه فارغ يكدر ايلمه
امشي اترك اثر خطوه جنح بالريح
عله درب المسامع تثبت الچلمه
مثل الماي اريدك من تجيني بشوگ
ما واحد عرضله وفكر ايلزمه
الميل اشكد ركض بالساعه ضل محبوس
العطر واصل مسافه ومانگل جدمه
كبل وهيه ابزغر البس الجف احجام
من مرهه الكبر مارادت الحشمه
اوصيهه وترد تمشي بدرب عميان
ما ادري الاصابع تعشك الصدمه