محمد سلام

كلوله لايرجع بعد يفتح باب
صادفته عين ابعين بس مايهوه
كلوله سد جفنه السهر ذاك الليل
زعلانه هسه انجومه مابي رجوه
كلوله ميل الساعه طاح وماطاح
كدما يصدع الميل خلا تجوه
كلوله حلوه الدنيه بس مو وياه
ذاك الكبل نضراته جانت سلوه
بيا وجه راجع ريته مخبوطه انفاس
والكاتلك يسألني هوه اشسوه
جمدوب ارد وبزلفي يتجه الشيب
المثلي هسه يخونك ولا اشوه
ويا جسمي صاير جنه سنارة صيد
كايدني خيط وكادك المايسوه
حبيته كلش ذاك ابو عيون اوكاح
من جنت اشم ازلوفه واهمس فدوه
من اجنت اكله ولا اكولن بعديش
ماشايف وشاف العشك هستوه
كلوله شد خطواته دوره فرجال
تموت المسافه الما تقدر خطوه
جذباته صوجي وحبله ابد ماكصيت
يجذب واكله بصوت صح وتكوه
ويايه هوه وهوه ابد مو وياي
ازغير عليّ وحبه مابي نشوه
مو حلوه حلوه الدنيه تمشي بلياه
عبره وخذته النجمه تطلع نخوه
تكلفني كلش بس كلته الله وياك
بس احترام الجيتك انته الحلوه
وحتى وي روحك لاتحاجيني بيوم
ذاك اليحبك لاتضن ضل هوه