كـرار الـزريـجـاوي

عله شفـاف السـوالـف شايلـج ياحيـف
وصـوت اخـرس عصرتـه وبذنـي حطيتـج….
عكسـت لخاطـرج كل ذره بيـهه احسـاس
بـس واضـح عكستـي ويـاي تربيتـج….
خطـوه اعلـه الضـوه ماجرنـي جفـج يـوم
وعلى دروب الضلام سنيـن تانيـتج….
نعـش ورده لكيتـج علـه جـروف الخـوف
سكيتـج مـاي روحـي وشعـر انـه حييتـج….
كدما ضـاك حلكـج حلكـي والـدخـان
دخان جـكـايـر زارعـه بريتـج….
مـو وكـت المعانـد والدقايـق نـار
ولا فـركـه وصيـت مـوت وصيتـج….
مـن بابـج وكـع وانطـرت الحيطان
عد عينـج كلـت وبغيـره سديتـج….
ومـن طـارت عباتـج عن قصـد عـن لا
بستـر الوالـده المبخـوت غطيتـج..
ولج مـو عيـب اكـولـن حافـضـج عالغيـب
وانـدل لو اجـذب ما اندليتـج..
نصـف قطـر الحضـن فـي عدد بـوس اشفاج
الكل تربيع زائـد شبـه حنيتـج…
اذن حيـز المساحـه نصـف شـال ثنيـن
بس استثنـي منـه ذيـال ترجيتـج..
انـه انطيتـج عمـر,,مو عمـر صاحـب زيـد!!
على ضمـه انبعـت وبنصهم الكيتـج..
وان عكس النوايا العمـل بنيات
الوحيـده انتـي الطلـع كـول وفعـل نيتـج..
اذا شـاهـد عيانـي يمـوت خـلـي يمـوت
بس ماضـن يمـوت الحايـط ابيتـج..