عامر العيثاوي

خايف ليش تتوسلني وتكول
آسف بعد مايتكرر الصار
لتخاف صفنت مو صفنة اوداع
أقشمر روحي جاي الكالك أعذار
جبت عمري اعتذرلك وانت غلطان
وعمر وياي هذا اسلوبك الجاف
بصراحة استغربت من خوفتك هاي
أول مرة هيه وخاطر تخاف
تسيء انت واذبهه براس الضنون
اكولن ساء ضني هوه ماساء
وتكلي انشالله باجر امر بيك
وخلك ميت ونطرك بين الاحياء
ومتمرني واكولن يله معذور
كلي انشالله يجوز الله ماشاء
حقهه الناس تستغربك مرات
وحقه اليعرفك عنك يباعد
اليشذ بقاعدة تستغربه الناس
وحضرتك شاذ عن كل القواعد
مامجبور يجرع سمك انسان
وانت وسمك تحملت اجرعك
الحجي الميت تسمعه الموتة لاغير
ورضيت اتسمة ميت حتة اسمعك
وياك بموقفي تتأثر الناس
وبكلبك الموقف مايأثر
اطشك مستحة وتسكيهه بلغيض
وتموت المستحة وغيضك يخضر
ويلوموني الخلك جي باقي وياك
وافكر اتركك من يلوموني
وبس ألكاك افكر اترك الناس
بعد لاروح يمهم لايجوني