محمد الغريب

يالحبيبه الليل من يبحر بروحي
ويوصل ادروب البعيده
((اشتهيج..بمشتهة
 الغركان لجفوف التصل
تتناوش ايده))
ياقصيدة اسنين حاير
 ماكتبت احروف منها
ويم شعر سنبل اذا يمتد قصيدة
انه كبلج عاشرت بس
 ماشفت برحي بحلاتج
انتي يامهرة اعربيه
امأصله وحلوة وعنيدة
وانتي يالكوة اعيوني
 وبحياتي احله صيده
لمي باكي اطراف عمري
يالي دليتي حزن كلبي
اعله عيده
ياصديقي الماجزع
من كل جنوني
وعازتي وحط ايده بيده
ويارفيقي ايام عوزي
ويا حبيبي ايام خوفي
وياوطن لمني وصرت دم بوريده
ويا تنين افراح كلبي
 وياحلم يكبر بهيده
ويا اكلاده تضوي انجومها
السبعه اعله اجيده
انتي يا ام لابنج وام الدليلي
وياحلم وردي اود كل لحظه اعيده