يالعايفني بس الوجع بعدك ليش
احس روحي بغيابك ما ادري اشبيها
اعله فرشة غيري نايم وافرشتلك روح
حسبالي تنام ومانمت بيها
فوك ايدي كفاك اشكثر يعرك جان
اشتكول ايدك لون جواه اتخليها
حنيت ايده بيدك واني الك حنيت
والي ابالي كَبل ايدي تحنيها
انطيتك ضحكة امي انطيت بس فراك
والتكتل ضحكتك غيري راعيها
المنلك ضحك من بين اليشيعون
وضحكتك للخذاك تروح تجفيها
دنت نفسه عليك وانت اله اتدنيت
وروحي لغير شخصك مامدنيها
افز نايم ادور على طيوفك ليش
بالتكهكه الليله وياه تكضيها
خفيت كبالي كلشي كباله شو خفيت
طعنك بالظهر جا يمته تخفيها
مكسوره رمش عيني بعملتك هاي
عيب الظمتك ترجع تبجيها
جنت حسبالي ابو فلان اسميك وياي
ابو فلان الي وياه شو باهته احجيها
مقصر دكه كلبي بدكتك وياي
اليدك جان عله اسمك هيج تاليها
بهديتك لسه اشم فحطت شمي بهاي
التفرحني كبلي بدموعي اغطيها
معوش وارتجف من زفتك لليوم
اذا روحي تموت ارجعلي واسيها