احمد المرشدي
جبناهـه سـوه من المــــــاكو ..للنـعـمه
نحجي بوكـت بي جان الحجي .. زحــمه
نتباعد .. جــــروف . ونلــتقي .. جفـنين
تلمنه وساده وحده وطيفنه .. نگــسـمه
نتشــــابه گلوب ! ورســم ! وحـــجايات
وضــــنون ! واشــــب مـن يحــترگ دمه
مطعــــونين نتـــلاگه بـگـــفانه ســــهام
بس جــيب اليفرزن سهــمي من سهمه
اخــــزره واعـــرف الحســـبه البــاله تدور
واتحســـر واشــــوغ !! وشوغتي تلجمه
وابـــراله شــــريعه من يخــــنگه غــروب
وانـــزع شكو حجــايه بـروحي مبتــسمه
نــزعل .. باللـسن بـس بالگلوب .. احباب
نجــفي .. وتعرضلنه الدمــعه والبســمه
مغـــتاضين .. بس مـن نگـــعد ويالــناس
يضحــكلي جذب .. واضحكله .. مفتــهمه
خــــــوتنه علــــت مـــو بالمــلح والـــزاد
بنيــــــــــناهه لأن بارواحــــنه هـــــدمه
رخيــصه دمــوعنه تطـيح اعله ياهو الجان
رغـــم واحــدنه لو تشـتد صدگ ؟؟ زلمه
طيبـــــين وحلــــمنه نلــــگه راحـــة بال
ولـــــذة مشتــــهانه معـــاشر النسـمه
عاشــرنه وعشــگنه هــواي زيـن وشين
وطفـــينه شموســنه عن لانــغث نجمه
وتيهــنه الـدرب !! غربه ! وشبـگنه اللــيل
هـندس !! واللسـن بالســــكته متلــثمه
اثاري العــمر ريــل !! وطـب محطة شيب
غفــــينه !!! والبــراءه انداســـت بجــدمه
ثقافة شعبية
