علي تويج

سولف يلمكبر صيت الولايه
شماصد اعله شفتك لابسه حجايه
للجلمه البجر أفرش بذاني كماط
وانت اسوالف امرايه
مخنوك ارد اشم صوتك وفرع الليل
والبس واهسك صايه
سولفلي تره الزنجار دكَ بروحي الف ثايه
بذاني مناطرك يعكَوب
بيه أكتلت ميت ايوب
رسل بمناطرك كفرو نوح او وادمه غركو
بيه اهل الكهف كعدو
اولقمان اختلف رايه
موشغلت خفيف السان
ثكال سوالفي لاجن
أخاف احجي اوتكول الناس
متوارد اويه القرآن
وك يفلان عندي سوالف هوايه
اوكَضه مشوار اذاني اوشفتك اجدايه
اوعلي امنغتاض أشور بلمصلايه
امنهل الله اوفقير الحال
واكسر خاطر التمثال
يراودي اوتعز روحي الدمع
موسالفة رجال
بطرف عيني ورد بيهه
اوعلي موسهله ابديهه
شفتك ساكته شبيهه
شتريد أبديهه أبديهه
مامستحي وبكل صراحه أحجيهه
ياناس احبه السالفه اومابيهه
ياناس احبه اوخله بلراس اجنون
خلو الله بين اعيونكم لتلومون
تدرون بيه اشسوه لو ماتدرون
سوه السوايه المحد امسويهه
سوه السوايه الماتمر اعله البال
ياهي يربي السالفه الماتنكال
موهينه من ايطيح دمع الرجال
طاحت اورمش العين جلب بيهه
طاحت اورمش العين رد بيهه اردود
اوكلهه الرخيصه التوكع امنل عنكود
حلوه السوالف من يصح بيهه اشهود
وسوالفي القرآن يشهد ليهه
ابديهه من ساعه 12 للقرآن
اوحتى المؤذن عرف سالفة افلان
نب كال كافي اتعوذ امن الشيطان
كوم اذكر الله اوهوه الي ايصفيهه
اوكمت اوتوجهت اوعقدت النيه
ودعيت ربي مروتك ارحم بيه
ياربي احب ابنيه بس شبنيه
من اخلقتهه اشحاط ربي اعليهه
لعابه لا أجمل أمن اللعابه
حبيتهه اونار الكَلب لهابه
عود ابقصيده تنوصف لايابه
من اكتب شعر ديوان ميكفيهه