عباس طالب

باجر آخر سالفه بروحي تعــــــــــــال
أشم ريحة فاتحه بثوب الجـــــــــــرح
بعيني شهكت صورتك وانا استــحيت
وشتهيتك طيف مالابس ملــــــــــــح
يا كصيبة مستحاي الشيله ســـــيف
براسي انت وفرعت لا تنفضـــــــــــح
بريتي ممشه النفس بين من جفــاك
بيه شافوك وكلت ماينمســـــــــــــح
الضحكه مثل ازليخه زغرت من مشيت
جانت بكد عينك محليه الصبـــــــــــح
غسلت وجه الضوه بوشــــــــلة نداك
روحك بفيروز متروســـــــــــه وتشح
يمي كعدت ناس مشتهيتني امـــوت
بصدري مهره الحسره والفارس وكـح
غمضت عين الـــــرمل والصفنه طين
روحي يبست وين مايك والفـــــــلح
الك يمي هــــــــــواي منك ما اجيت
تره يمــــــوت بغيرهن كلشي سرح
النفس وحرورته وشمة هــــــــــواك
شاغن بروحي تفاصيل الـــــــــذبح
برمشك أعزف عود وســـرح بيه ناي
الصفنه لليشتاك تتوزر جـــــــــــنح