علي جمال

لزمتك ما لجمتك تجر ايدك ليش؟
شنو تذكرت آخر صورة شفناهة
لو ادري تعجبك لأن بيهة فراك
حبيبين وعيونك مااتدناهة
لتقلد البعدو قلد اليهوون
السبب منك الكلي بطيبتك عاهة
اول مرة تصدف شخص بية يخون
انة ناسي اللي ماتت عايش وياهة
انة الجريتك بآخر نفس بالروح
ميت من تموت تشوف معناهة
انة الصوتي الك جن صوت اعمى بليل
يحلم بالرسالة شلون يقراهة
ووصلت للصدك من شفت اديه بيديك
وكالو هو هذا وكلت مااعرفك
مو شغلة زعل لو منك تبريت
بس تضحك لكيتك قدرت ضرفك
ماي ومالح انته بعز جفاف الموت
وغشيم العطش يمك رايد يغرفك
سميتك وفي غصبن على الجبروك
تخون وفوك هذا الوادم تنصفك
لقنتك حجي تلقينة الميتين
ومتت بحبة انته ومامتت بيدي
من كد مااكابر يم اليحبون
تخيلوهة رصع بالخد تجاعيدي
يسألوني وصرت اخرس مثل اليموت
يحس بشوغة امه يكلهة بس هيدي
انه تمنيت عشكك مال اهلنة الراح
اليحب بالصدفة هذا العشك تقليدي