علي داخل

اتعبت وعصابي ماتن والجسم ذاب
بحيث اجفوفي كاغد تعجز اتشيل
شتحمل بعد واني ابلياك
على الكصبه امنحطن ظهري متميل
محد يدري بيه اشصار ماصار
ابدليلي الهم وحقك كاعد ادخيل
خشب تابوتي ناكع ماي والناس
من شالوني كالو وزنك اثكيل
الزمن وانت علي والشوك والليل
موحقي امنرتل الحسره ترتيل
شجا دمعي امنذكرك جنه عطشان
على الوجنات كايم رأسن ايسيل
عطرك وين ذاك الجان اذا جيت
كبل الناس تشتمه التماثيل
الزعل وياك مو من صالح العين
لان بجفاك تغمض بالتواسيل