علي القصير

لاتانيني تره اتعطل عليك
عدي خطار الجروح الليله
سير اوياهن جرح كلش جبير
شما كلت شايب وكف شد حيله
جاب صفناتي المشن عني بنات
اوبيهن ازغر صفنه لبست شيله
لا تانيني الكعد بفراشي ليل.
وكرم روحي امعزبة ماتشكيله
وانا بالي اشوايت الله اعلة المضيف.
وحسره تندس حسره يلله احجيله
ما يهز فنجانه وكتي اسنين صار.
وتوكف الدله وصحت دنكيله
اعيوني عاجر تحسد الرمش الينام..
وتحلم ابطفل النعاس اتشيله
راعي وجروح الكلب وين السمين.
وذيب هجرك كاعد ايهز ذيله
لالي حيل اركض وروح بالجروح
الالي جرعت كلب حته امشيله
لاتانيني تره الواهس يتيمر
يبجي بس اتكابله وتبجيله
اطلابت اجروحي جرح كلش عزيز.
جرح متعود بجي اتغنيله
ما ينام اله امن لجمه بذكريات
.هذا جرحي بلجمته اتلوليله
لا اتاني السيرن يردن جواب
ايدورن الزلات يردن ميله
لااتاني وانت جيلك توه ريع
وانا صار اسنين حصدو جيله
انت معرس ليلتك فرشت خضار
ونهر خلكك وبكفاك اكحيله
واناليله وخلصت طعنه بكفاه.
لا هجرهة ولا صبغ منديله