محمد راضي

جبتك السوك النواعي ياجرح
كلبي الثمين
عندي اسباب من ابيعك مو لان اني حزين
انه اليخليني ابيعك يجلد الشك باليقين
وانه اليخليني ابيعك ياجرح متحمليتك
وصرت ارضه بأي خسارة واني بالامي اشتريتك
من كمت تشرب بدمي وصغرتني وكبريتك
هاذه اليخليني ابيعك وارفض الروحي اقتنيك
جبتك السوك النواعي
تنزف وبسطت بيك
وفيضت عالكاع دمي وخاف محد يشتريك ؟
اسكت ولاتظل تلجم لا اذب فوكك ملح
اسكت وخليني اهتف جرح ياعالم جرح
اسكت ولا تنسه فضلي وجور ضلعي
هذا اجه واحد غشيم وبلكت ايعوضلي دمعي
اهلا اتفضل يغاتي وتاج راسي
وداعتك توني اشتريته لكطه من سوك المآسي
هاك شوفه وكلبه زين
اااااهواي كلفني ونين
جرحي شغل ايد الوكت