سلوان عدنان

هلا بدمك يبعد الحيل
 من جبت النذر لمك
هلا بطولك يوجه الزين
 فرحان العلم شمك
شفت وجهك ذكرت ألطف
شفت دمك ذكرت الگاع
 واجب بيك تتحنه
بچيتك مو سوالف موت
كل الناس تتمنه
 تطش اعل العلم دمها
وتشيل النجمه للنجمه
وتسولف كل نبي اعل الگاع شمخلي
وشمخلي النثر عمره ملح للناس
 من حس بنهار الدم
وصل حد اخر اولايه
نزف عمره
شفت دمك رجع للشيب
 مضمون الشهيد ابيض
شفت ليلك سهر
والشوگ متبدي اعل تاليه
شفت طفلك.
خلص حيلي
تذكرت اليسولف بيك
 لازم يلچم الجيه
لازم نشتهي القمصان
 مادام العذر بالبير
ما نندل سواجيه
وشفت وجهك لگيت الحيل
 سالفته اعل گد يومك
وشفت وجهي لگيتك بالجفن نايم
هلبت من انام تفز
الكحل عگبك خذاه الليل
 وفراگك طفه بروحي
يل مسومر حرز بالعين
 شدِّيت المشن والنامن بروحي