علاء الزبيدي
امشي بدرب مودرب بي ضيعت ونستي
وضيعت مدري شنو ؟ بس اعتقد ضحكتي
بس كلت بالله العوض عندي اصدقاء العمر
شوغبت عنهم سنه ومابينت خلتي
عندي الصداقه وطن موسهر حد الصبح
وانجاني تعذرت رأسن شكل ذمتي
عديت رَبع الوفه بالخنصر وخلصوا
ضميت اديه وصحت يابويه يافشلتي
كل الاصابع سوه بساعة اليتكطعن
وهواي عندي عتب بس التعم طيبتي
تكاسمنه حتى الهوة شهكه اله وشهكه الي
ومااكول آني نبي بس ماكو من ملتي
بكل فرع عندي عرف يفرحون لمن اجي
بس آني ادور ربع مخلوقه من طينتي
لوضاع حگي بحلم كون امن افز الصبح
دم الگه يم عتبتي
ودورت واهس حجي بي طعم طيبة
هلي وتراب من ديرتي
ولگيت عين الگمر متروسه
كلهه ضوه دلتني بولايتي
ولكيت صاحب وفي تارس الدنيا وفه
وآني اجيته بوكت اتعثر بدمعتي
ولازم لكيته الدرب للرايح ولليجي
ادريبه كلش وكح بس هاي لزمة كرم
انتخي ومحد يجي واسكت وهوه يجي
سميته راس الهرم
شوف الحقيقه حلم صارت بهذا الوكت
الزين ماينخسر والمايعجبه العجب
لواحطه فوك السمه هم هوة مامحترم
بس من جديد ارجعت رافكت كلمن
وفي وبجفه شايل حرز صم غيره من كربله
الأمّن بظهري رمح التفت شفته عِرف
اي عادي اتحمله وانجان قصده الغدر لا آني ماانغدر
خل ينطي دفعة بله ربعي تصيد الضوه لوصار
ضد الستر وتبين العايله
((وخوتنه خوة شرف وبحرگه
احجي تره والجلمه من تحترك ماتطلع مبلله))
والمات عدنه أمس بهدومه من دوروا
طلعوا كلمة هله
