حسن ثامر الطلالي

ياغريب الوطن اهديلك سلام
خويه الله يساعدك في غربتك
مانساك الوطن يل عايش غريب
ورغم صعبات الليالي المرتك
انته بين عيونه وبين الضمير
ونار تسعر بدليل امحبتك
ياابن ذي قار يوليد الجنوب
كلنه مشتاكين خويه الشوفتك
دجلة فاضت غيظ حزنانة عليك
والفرات ادموم طك بوحشتك
ياابن كاع اللي حضنت انبياء
بيك تتشرف ديار الحضنتك
خويه هاي امي ابحزن تبجي عليك
عمن ذني عيونهه وماشافتك
كبل هدام النذل يقطع رقاب
هسه شمتانين طالت غيبتك
النار بينه ادور شوك وذكريات
ولاتظن انساك ونسه خوتك
يل كضيت العمر اهات وانين
والحزن مايوم فارك صورتك
حك الك من فاركت مرت ظروف
والها حك امك عليك الربتك