احمد العراقي

ماصدك بعد وجه الصدك ضاع
ولا افكر بعد واحتاج تفكير
ولا اهتم واحير بهذا وذاك
وانه بيه كبل ماواحد يحير
((علي كد زرف الابرة اضيك دنياي
وابين للشماته عايش بخير
اثبت من تدك براسي الهموم
لان طبعي مثل طبع البسامير))
موكلمن بخوته يشد الحزام
تره الخوه لغز وتريد تفسير
ولاكلمن بخوته ينام مرتاح
اذا ما شافهم صارو نواطير
يصح مرات اخوك بسرك يبوح
ويصح صاحب السرك ينكلب بير
اكو يمك تشوفه وعنك بعيد
واكو كلش بعيد ويمك يصير
شافوني الشماته الوحدي هديت
وكل ظن الشماته بربعي تقصير
كالو وين ربعك كلت وياي
جنت شايل ابجيب الهم تصاوير
شجره ودنكت خاطر يلوحون
الترست اسلالهم صارو مناشير
تره الفاسه الاجت بجفوف حطاب
ردها المستحه من العصافير
يجيك العوز هم تحتاجني بيوم
جيت ماي لجفوف النواعير