معتز الزريجاوي

أفـــتح أحضــــانك
شايل جروحي وأجيتك من بعيد
أمــشي وأتعثـــر أجيتك
أمكـــــــيف بجـــرحي الجديد
هـــــا لگيتك؟؟؟ مـــا لگيتك؟؟؟
شگــگــت گــلبي السوالف
ونـــاي بعيوني دمع يتـــرسهه حــالف
انــــه خــــايف…..گـــلبي خــايف
والجــــروح بأيدي مـــاتقـبل تهـــــيد
بيهــــن بـــأيدي شلتهـــن
وبيهــن هنـــاكـه عفتهـــن
هنــــاك___يــــــم ساعي الــبريد
رغـــم ظــلمه الدنيـــه جـانت
أمشـــي وي ضــوء البــرق
مــــره أطيـــح…..ومـــره أكابر
مـــــره يتعثـــر كــــيانـــي
أمشي وأيدي بترس أذاني
تخـــــاف….تخـــاف مـــن صوت الرعيد
وألمهـــم دگــــيته بابــك
بعـــد أن درت الجـروح
بجـفي هذه…. وهـــذه جفه
وأحـــــد جروحــي……تــوفه
وأحد جروحي شعل مــــن روحه نــار
وواحــــد أبسده…….. يتـدفه
وأحــــد جروحي غـــزل من روحه شمعه
لأن ظلـــمه الدنيـــه جـــانت
حـــته أشوفك…
مــــــو فقـــط صــــوتـــك أسمعــــه
ورددت روحـــــــي النـــــشيــد
وألمهــــم دگيــته بابـــك
بهيـــده بأطـــــراف ألأنـــامــل
حتـــه مــا فــزز صفنتك
ولــــني أسمع صـــوت جـاهل
واگــــف يهـــز بيــده گــلي
ذولـــه شالــو,,,,,,,,,,,,, عمي شالـــو
يــاهو رايد؟؟؟؟ شنهـي شايل
مـــا تخــاف مـن الشماته؟؟
خلهـــــن بگــــلبك يعمي
خلهــــن بلب الـــــــوريــــــد
أجيتك شايل جروحي……. شلتما
تبقه وسلني هجرانك……. شلتما
بدي دگـــيت بيبابنـك….. شلت ما
گـــلت وجروحي ماتـــن بين أديه