احمد سعيد

هل تعلم بيا حرب من تلتفت
 تنتهي و حتى الدفن سكته
و كلمن رجع ينعدم وكبالي
شاب انعدم راجع يعيش اخته
هل تعلم اني اشفت من كلبت جثته
 زائد و ناقص شفت..ناقصهم الجتفه و زائدهم بكصته
و هل تعلم انه اشفت من كلبت جثته
 بعيونه اخر سطر كاتبته صاحبته
كتبتله جاوب بعد ما احمل السكته..
و جاوبهه باغرب ظرف
مكتوب فوكه وقف ومتون شايلته
صاحبته جفهه تحنه كبل لا يلتحق
 للحرب والموته يتعنى
و لمن وصلهه الخبر جفهه رجف
واعتقد لو باقي يرجف بعد جا طاحت الحنه
و مامور البجثته واكف براس الفرع
وايده اعلى خاصرته…
هل تعلم شينتظر ياخذ فلوس
الطلق من جيب والدته
و صوت امه كبل الخبر
 يا يمه يمتى تجي مو وشلت دمعي
يا يمه لون السمه بجفوف اديه انطبع
 وجفوفي صارن زرك من كثر ما ادعي
تاليهه صار العشك بالكان ياماكان يا وطن حكم العمر خلانه منطب حرب ونواجه العدوان
هل تعلم بكل وطن ينرصد صوت الندى وينرصد كل لسان
بس احنه ما ننرصد جي كمنه من الفكر نتبادل القمصان
بعمدان نبني السكف ونخاف ريح الشته لا تهدم البنيان
ريح الشته من تجي منميز احنه بعد ما بين جف يندعي و جف لازم العمدان…….