‏ياسر فليح‏

جبير انت يكلبي
وصدري مضنوك
فك اضلوعه الك خاطر يكفيك
عكس طبعك اويايه
همسه اجيتك
رغم ماجنت شايل
 هم سجيتك
سجيتك وارتويت وهم سجيتك
بدمعي وجان ثمرك
موش اليه
احبك وانت متحبني
كلت خل احترم روحي
 واعوفك وركه بالشجره
واتانيها الخريف الجاي
 توكع حته لو صفره
امد روحي لجلهه اتراب
واتلكاهه ملكه احباب
وارويها لردهه اردود
 بدموع الفرح خضره
ردت كشايه بجروفك
 اجلب بيها مو غركان..
ماشايل الك ذكره
انه اشفايتلي واغرك بيك
علوا لو صدك صارت
 عله امتوني اشد صخره
ركد راسك عله صدري
 بحلم واتخيل الموقف
ردة فعلي لسه
 ارجف مو حقي؟؟
ينسمه ليل بيك
اتحلمت شجره
مدري شكد احبك
كون تدخل بيه وتكلي
اسالك ماترد واغتاض
وامشي وصوت يندهلي
عليك اندار مو انت
 حضرتك خالق السكته
مامعقوله تندهلي
 اعرفنك خشم سمره
واجيك امزاعلك واكعد..
بسدك والاصح البد
من كلشي يجي ابالي
بغيابك ويتراوالي
بدونك اي درب امشيه بي حفره
مشيت اوياك حد ال
 مابعد اكدر اكلك روح..
بدونك كلشي ما اندل ولا اكدر اكمله وياك..دربك ماقبل يكمل
هاي اشبيك؟؟ شو خفيت
رجلك من حجيت اوياك
وعفتني وكملت ممشاك
مالك خلك تسمعني؟
انه ماجان قصدي انساك
ردت اوياك تاخذني
 تراني بسرعه اتقشمر
جبت الدرب اركض وانت تتبختر..مدري شلون سابكني
اسف بعد ماوصل خل نرتاح
نكعد ولو لزمه ايد ونكمل