حيدر الشيباني

انكســـر جنحـــي و مـــا ابـــالي بيـــوم احط
بس شسوي ملح سيفك صعد بجرحي الضغط
كتلي ذيج النجمة فوك الماي غط
و آنه صدكتك جذب
كتلك اي والعشرة البيناتنه بصف الشخط
وللعلم ما جان ماي البينك وبيني عطش
ولذلك قررت لو ردت اجيك اركب بسدر النعش
وانته تدري وغيرك اليدرون مو كلش هواي
بكثر ما ؟؟ ما مدري شكثر يم بابكم رايح وجاي
حتى كَالولي الهوه بشارعنه خلص عدنه وادم عدهه ناي
وجنت راضي تشوف بعيوني يتم بس ما اجه ابالك علي
وآنه راح أرضه واقرر ما يلي
بيان رقم كافي
ايها الما تسمع اسمع
الما يحب يشربني لا يعطشلي حيل
بكثر ما فاير طعم حجيي يسم
صرت عد غيناك من لدغة عداي
اتخيل بصل الحماد العب فلم
ها ؟؟ بعد اكل بروحك لو اخليلك سهم؟؟
حتى ترميني اذا صابك ندم
هذا اني افقر من امي بشبر
ولذلك من احن يوكَع حبر
حتى اكتب شاهد بجنح الحمامه
وحتى اكلك من نهده وما نمت لو نعست بالليل
مو بس آني اسأل رمزي ما نام
لخاطر الله وخاطر الله من علي مو من كزاز
دير وجهك عادة اليندار ماي
يبست عيوني بجفاك و خزرة الشامت لهب
صير جاي واترس الدنيه خلك عندي عتب
البيه كلشي تراب بس يستاهل يسمعه الذهب
بيه جرحين وكسر
وبيه منك دمعة تستاهل حشر
لكن الما بيه؟؟ ما بيه اكومن من تمر
ترضى بعيوني جرح وانته دوه
ترضى ذيب جفاك حته بساحة النايم عوه
ترضى آنه عليك صاير مو سوه
ساعه تلكاني بطرك حسره وشكل
وساعه تلكاني أمل بس ما أمل
وداعتك اتلاكَه راس براس ويه الفاكده
والد من الزم جرح عالي عله بيت
لكن من الزم وداعك والده
(هــنا دخـــيلك مـــا آنـــه
 ســـالوفه صـرت بين الطــوايــف)