لـ   نايف فلاح

وحك الي افجعت بطف…… بكتلين
مصاحف شوك دلالي……بكتلين
العيون ابغيبتك صدك ……بكتلين
اسكطن والمحجرين اتبان بيه.

يغايب ماترد الوعد ……موحال
عفتني وكمت اشوف الدرب……موحال
هجرك وصلاني. الحال ……موحال
انتجي اتوجع. انام الام بيه

عليك الله واخي حسين …… مشيت
ترد وشما تريد ايصير……مشيت
دمع عيني ابرحيلك حيل…… مشيت
لما عيني الزكت بجفوف اديه

احن ومن احن ارجا…… بحناي
تعود وتفرح اجفوفي ……بحناي
صوت اموادعك يشبه…… بح الناي
امنذكره ايهيج كل ساكن عليه

منهو العن طريجي ازلفك……ونحاك
وغزل هجرك عليه كمل……ونحاك
انفرك. كلبي ابصدودك حيل ……ونحاك
لما بانت برادة شوك بيه

اجروحك خزنن بيه……ولمن.
وغديت بغيبتك خايف……ولامن
تمكن وستحى ودنك……ولمن.
تمكن حط ردف طعنات بيه.

عليه ايام صعبه ابغيض……لافن
وعن دربي خيول الفرح……لافن
اصفط هدمي موتعلوم……لوفن.
اسلي ابروحي عن الكطع بيه.