مختارات / حسن حاشوش
خيال
علي طالب / بغداد
للينتجي اعله الماي يوكع غركان
وبهل ثواني يعرف معنى العصه
صياد ماخذ شمته من المعدان
كل روحه تنزل من ينزل شصه
شايل خلك سبوره فوك الحيطان
كتابه ومسح فوكاي كل الحصه
واتحملت كلشي وابد ما زعلان
ينمسح كلشي الصار وي الفرصه
خيال بس ما لازم بعمري عنان
المو كدهه لا يحجي بهواهه دكصه
يا قصه سامعهه بصدر كل ديوان
ما تنمسح بالبال تبقى القصه
تابوتي صل ومني ابد ما خجلان
انا البنيته انشال تالي بنصه
وسوالفي مبينه وبعيد الدخان
شايب عجوز بكل مسيه ترصه
الغيمه كطرتهه انزلت عالتربان
ما عدهه غيره الغيمه بدت كصه
ينهاب لو جاهل يكض الفنجان
مثل البشر فنجاني اطي حصه
