طالب الدراجي
اروح المن وحشمن يبلواي
وانا بهالغربه تايه فاكد الراي !
تهت والجدم يمشي وينشد الروح
اريد اعرف يروحي الوين ممشاي
جثث تمشي على الشارع بلاروح
اناديمن بعد من يسمع انداي
طحت من السفينه أبحر مجنون
أعلى جف روجات هاي اتذبني يم هاي
وافرفح واختنك من يطبك الروج
وادك برجلي بلكت كاع بالماي
! بلكي اتحن جزيره وتغرف الروح
تتيه امن البحر وتصير جواي !
ابد لاساحل البيه غيره ويكوم
ايتدنالي ويحط يمنته بيمناي
أئيس لوبعد هم ضنه بالناس
اسدن باب كلبي لو اخليه
اصبغه بنيل من السكف للساس
لو نقطة بياض اترك بعد بيه
انا عندي بضميري كلوب مشعول
اخاف ازهك عليه وازعل واطفيه ؟
كثر ماعاشرت بالناس طافين
خفت لا يطفه كلبي ومن يضويه
