ابرياجن يا ليالي الوصل عودان
معاذ الله بأنين الذيب عودان
اتخليني ابكفاك اكشاش عودان
اشتريه الطير يبني اعشوش بية
رحيم الركابي
امتوني مادريتو خلعاه
زماني ومن رداها خلعاه
تره افراكك ابوجهي خلعاه
الاعمى المايوجد صفن بيه
كرار العبودي
يروحي من المعاتب بس تجني
بسبب لعداي صاير بستجني
امس بالطيف خده بست جني
الصبح ريحة ورد شميت بيه
حيدر ياسر الركابي
الدهر عظني ولااعلم بكم سن
وانه الحسراتي ماتنعد بيك امسن
صغير وشيبت مدري بكم سن
بعمر عشرين شيب شعر اديه
عاصم عبد
انه الصرت للخوه عصب جف
ولاسيف الغدر مره عص بجف
عمر الحيه ما صارت عص بجف
بس العصا صارت مره حيه
حسام الخفاجي
طَحَني الفاه بضروسة بَرَج فاه
يوم اهناك وضحلي بر اجفاه
رسمت الحيل لاعضامي برجفاه
شبه رجفة حرامي انكشف فَية
احمد النهري
كبلك ما شفت واحد ذبحجار
يحبه وحكم بيه ظلما ذبحجار
علي كالتلك الوادم ذبحجار
وراك اوصدكت كل واشي بيه
عمار المولى
يبس خشم الوكت ضدي بلا لين
بدمعي مبلل هدومي بلالين
بهجرك صارو بروحي بلالين
يأذنولك وحزني يصلي بيه
