انفاسي تخنكني
علي اكبر/ بغداد
اخ لوتدري بحسرتي البيهة صوت
تفزز الطرشان واصحاب الكهوف
و اخ لوشايف دمعتي التسوه ناس
حاجة متروكة بكتر فوك الرفوف
خلكي مايخلص وخلصتة عليك
ومن كثر لوداع خلصت الچفوف
بعين وكحة الشامت يصدلي ويروح
واليباوع يلكة شفة وبيهة اوف
حرمو حسين الشرب تحرمني نوم
دموعي كلهة هناك تتلقة الحتوف
شبگة رايد بيهة اشدن خلكي حيل
مثل مجرى النهر وي طول الجروف
عيوني تعبت من كثر صفناتي هاي
ويه كل صفنة انة ملاكيك الوف
الصفنة تارسهه صورك بس تعال
وروحي ضلمة بغيبتك متروسة خوف
شفتي ماضاكت ضحك لمن مشيت
انت اذا تفارك كمر يصبح خسوف
وروحي تاهت شارع فراكك طويل
الدنية ضلمة وانتة بس وحدك ضوة
ليلي ماعنده شغل شماتي صار
نجومة عطشانة واحس مني ارتوة
شايب براسي احس يثغب تعال
جروحة كبرن رايدلهن بس دوة
انفاسي تخنكني بجفاك وبيهة اموت
ونخل روحي بغيبتك صاير نوة
بعيني دمعة طفل عاش بلاية بيت
وكلمة ال يمة تسد عنة الهوة
الدود ياكلني اذا اصفن عليك
صفنة الفاكدلة ام واب سوة
