الراحل / كامل سواري
حيل اصيحن حيل …..لا بهداي
حيل وياي
تيهت الشريعة وعانديت الماي
حيل وياي
جي فرحة صرت للرايح وللجاي
لان مافكريت وتيهيت الراي
عاشرت وادم
حجمهم فوك حجمي ومستواي
كبل ماعرفك اغني
ومن عرفتك بطليت اغناي
وكبل ماعرفك
فلا مرة بجيت وجربت مبجاي
حيل وياي
على لمعت سراب الماي بيدي وطشريت الماي
غراني هواك وخادعاني هواي
لا شفت الثريا الفوك
لا شفت الثرة الجواي
حسبالي صدك هاي الحياة
وانت اعز متواي
عمت عيني غشيم و تيهيت الراي
يا اهات ………ياويلات…
ياسهر بليالي شتاي
والشوغات واللوعات
والنار التشب بحشاي
حيل وياي
يا اصبع ندم…يالوم …ياممشاي….
حيل وياي ….حيل وياي……حيل وياي
