علي درجال
حركني بلكي انتبه
بلكي اني عايش حلم
رغم بصحوتي حرب
وبنومي ماكو سلم
بس هزني فدوه وبعد
صحيني خل افتهم
اوسكتلي ذاك البجه الشايل ابوجهه يتم
هاليوم شو بالدرب
لاظل هوه لا ضوه
اتكول جن الشمس والكمر ماتو سوه
ياربي ياغايتي لليمتى ابقه انلجم
جفك الكله عطف
بس بالاحبهم يلم كل يوم اودع صرح
كل يوم اودع روح
بيه الترافه انتهت
والبقت بس اجروح
مو هسه بعده الكلب بس غني وأني اهنا
ايكلي وحده غني وماارجع ابلياه
اويم الغريب وعبد ترجاني دمعي ايظل
للمشو عني غفل دمعي اول اليندل
والدمع الهم وفي وبنشغته امعدل
وهسه اني فاكد ابو الكلنه جان الحضن
كاظم الكاطع بعد مو وكت موت ودفن
ياذان ترف الحجي راح وبقالي الخشن
بس وحياة المشو
مسمع الصوته يخن
اذكر بأول عمر كاسك سكاني الهوه
وصرت اني دافي وترف دمعي وضحكتي سوه
وعلمني من انجرح
اصبح الغيري دوه اه ياامام الشعر
يل نزل قرأنك مابيه تشابه ولا
بيه واحد العانك
اطمئن صوتك كدر
بنفاسي يطبع وبراسي شعرك سكن
وفكاري بيه ترضع _ مرخوص هسه ارتحل
ردناك بس تعبك _ بين عليك واخذ
كل راحه البكليك _ روح وسلامي الك
اشكرك ياعنوان _ يمك احساسي عله
وخلاني اصير انسان
