دنيا الاسدي

يعيرني الذي ماعنده ذره احساس
شجابك وي ((صفنتي))شوصلك ليها
القصيده حجاب حرمه الماسترها يطيح
الما كو براسه غيره لا يخاويها
اني عندي القصيده بنية بنت بيوت
كبال عيون تافه مااراويها
رغم عمري الكصير اسلالي متروسات
شما مديت جفك ماتلاويها
اني امي القصيده ورضعتني احساس
وعلى ذاك التعب لازم اجازيها
مو مثلك يمن بعت امك بدينار
وكدام السياسي شهرت بيها
الشعر وي المروه كحيلة وي خيال
المو خيالها لا يصعد عليها
عليه لسان شعرك طوليته شبيك
محد كالك هاي الله حاميها
محد كالك نور الشمس يعميك
البوم العاشرك ماعلمك بيها
دشتم وانتقد بذيالي ماخليك
انفضك والحسن لو جلبت بيها
اني قصة وفه ومتعلقة بالعباس
وراح اكتب قصيده لاخته اهديها
وارسم يمها كافل بيده جربة وماي
وعلى درب الخيم اكعد واتانيها
واكلها بهالحجي ترضين يخت حسين
حرمه بلاذنب شاعر يأذيها
اذا ماخذتي حكي امشي للعباس
وادري بشاربه بلحضات يكضيها