علي ال جعفر
نفس يومية كاعد نفس ذاك الــــليل
الجاب جفوفة هندس خانكات البيت
توني اتساءلت ما الك جــيـــة اليوم
تمر ابالي انتة بـقــلـــمي ما مريت
ولو هاك الكتابتة من الالف للياء
بعد لفظ الجلالة باسمك انة ابديت
من زحمة افكاري وزحمة الصفنات
الك بية قصيدة هيج امس حسيت
يمكن لان حاجي هواي بيك اليوم
وانة شوكت ساكت حته هسه حجيت
يمكن صدكت يطلع سرابك ماي
يمكن وهم تطلع يمكن شتاكيت
يمكن مو الك لا بس اكيد وياك
من دمعت عيني وعالقصيدة ابجيت
قبلتي انه العشك والعمل بالنيات
من اكتبلك قصيدة جن احس حجيت
ما ادخن ولكن هي الك مجبور
على عتبت المطلع خلص الباكايت
ايا ليتك وراهه شينكتب شتكول
ايا ليتك تجي ياليت مليت
