راضي الساعدي
بده التاريخ شفنة يعيد نفسه
وقصة مصطفى اكـبـر علامه
جبل شامخ بقة يتحدة الانذال
لاخر نـفـس وبايـده حـسـامة
اخذ من الحسين الصبر بالكون
كل لحظه يتذكر صبر امامه
لاخر نـفـس بـيه يـقـاوم اعـداه
من اجل الوطن لجل الكرامه
نشمي انت وبطل لاتظن ننساك
ومن حـكـنـة نـتفاخر بالنشامة
جـسـدت الصمود بكـل معانـيه
وداعش ماخفت جوره وضلامة
من اهل بيت النبوه عندك اطباع
يـل كـلك عـزم غـيـره وشهامه
والصارويه مسلم صار هم بيك
نـفـس حـقـده لـيـزيد وانتـقامه
المثلك حي يضل بينه ولا يموت
بصمودك هذا مثلت الامامه
الحسين بكبره وبموقفك مسرور
من مـثـلك يدافع عن اسلامه
وحدك ارعبتهم انت بالكون
وداعش ماخفت حقده وسهامه
اضربت اكبر مثل للتضحية هناك
وقاومت بشرف وبكل صرامه
ذوله احفاد هـنـد الاكلة الاكـباد
ذولة اعـداء شرع الله ونضامة
من يوم السقيفة والحقد لليوم
واخذوا من علي بخسه الزعامه
باذن الله النصر للحق يهالناس
وعـدونه بعينه يشوف انهزامه
الضالم والضلم صدكوني ميدوم
ياطاغي البـقـت خـالـده احكامه
وداعش ينتهي ويـندحر فد يوم
وتـصبح في خـبر كـان احلامه
قرير العين نام الوطن محروس
ومثـلك صاحيه وصادمه زلامه
سلام الله عليك ورحمته نريد
وجـنـات الخـلـد شخـصك مقامه
